ஆருத்ரா நிறுவன மோசடியில் அண்ணாமலையை தொடர்புபடுத்தி பாலிமர் டிவி செய்தி வெளியிட்டதா?

‘’ஆருத்ரா நிதி நிறுவன மோசடி பணம் அண்ணாமலையிடம் உள்ளது- பாலிமர் டிவி,’’ என்று குறிப்பிட்டு சமூக வலைதளங்களில் பகிரப்படும் நியூஸ் கார்டு ஒன்றை பற்றி ஆய்வு செய்தோம்.

தகவலின் விவரம்:

இதனை வாசகர்கள் சிலர் +91 9049044263 மற்றும் +91 9049053770 என்ற நமது வாட்ஸ்ஆப் எண்களுக்கு அனுப்பி, உண்மையா என்று கேட்டனர்.

இதுபற்றி தகவல் தேடியபோது பலரும், ஃபேஸ்புக்கில் இதனை உண்மை போல குறிப்பிட்டு பகிர்வதைக் கண்டோம்.

Facebook Claim Link I Archived Link

உண்மை அறிவோம்:
சமீபத்தில் சென்னையை சேர்ந்த ஆரூத்ரா கோல்டு நிறுவனம், முதலீட்டாளர்களுக்கு அதிக வட்டி தருவதாகக் கூறியதன் பேரில், பலர் தங்களது பணத்தை முதலீடு செய்திருக்கின்றனர். ஆனால், உரிய வட்டியை தரவில்லை என்று பொருளாதார குற்றப் பிரிவு போலீசில் வாடிக்கையாளர்கள் சிலர் புகார் அளித்தனர். இதன்பேரில், அந்த நிறுவனத்திற்குச் சொந்தமான பல்வேறு இடங்களில் அதிரடி சோதனை நடத்தினர். இதுதொடர்பாக, நிறுவனத்தின் நிர்வாகிகள் சிலரையும் போலீசார் கைது செய்துள்ளனர்.

Vikatan News Link

அதேசமயம், ஆருத்ரா கோல்டு நிறுவனத்தின் முக்கிய நிர்வாகிகள் தலைமறைவாக இருப்பதாகக் கூறப்படுகிறது. இந்த சூழலில், ஆருத்ரா நிறுவனத்தின் நிறுவன இயக்குனராக உள்ள ஹரிஷ் பாஜக.,வில் நிர்வாகியாக உள்ளார் என்றும், அவர் தனது நண்பரிடம் பேசுகையில், நிறுவனத்தின் கையாடல் செய்த பணத்தை பாஜக தமிழ்நாடு தலைவர் அண்ணாமலையிடம் கொடுத்து வைத்துள்ளேன், என்று கூறியதாகவும் குறிப்பிட்டு, மேற்கண்ட நியூஸ் கார்டை சிலர் பரப்பி வருகின்றனர்.

ஆனால், இது உண்மையில் பாலிமர் டிவி வெளியிட்ட செய்தி அல்ல. அந்த டிவியின் பெயரில் யாரோ வேண்டுமென்றே எடிட் செய்து, இப்படி போலிச் செய்தியை தயாரித்து பரப்பியுள்ளனர்.

இதுதொடர்பாக, பாலிமர் டிவி தரப்பிலும் பேசி உறுதிப்படுத்தியுள்ளோம்.

இதுபற்றி பாஜக ஐ.டி.பிரிவு நிர்வாகி நிர்மல் குமாரும் மறுப்பு தெரிவித்து, ட்வீட் ஒன்றை வெளியிட்டுள்ளார்.

FAKE News : @polimernews pic.twitter.com/lQZ5HmeU4B

— CTR.Nirmal kumar (@CTR_Nirmalkumar) June 29, 2022

எனவே, பாலிமர் டிவி பெயரில் யாரோ வேண்டுமென்றே மேற்கண்ட வகையில் போலி நியூஸ் கார்டை தயாரித்து பகிர்ந்து வருவதாக, உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram